L'articolo pubblicato sulla Usc di Ladins parla del progetto Bira Ladina a cura della Uniun di Ladins dla Val Badia.
AL VËGN LA "BIRA LADINA"
Colaboraziun dantre la Uniun Ladins Val Badia y la biraria "Antonius", por na bira che"baia"ince ladin.
La ULVB á sciöche fin chël de poré inant le lingaz y la cultura ladina, ti raiuns ladins mo ince foradecá. Chësc fin se realisëia prinzipalmënter cun i tröc proiec de publicaziuns y manifestazuns che la Uniun dá fora y organisëia. Mo nia ma; tres chirion la poscibilité de realisé proiec cun chi che an pó porté le ladin ince te situaziuns y realtés olache an n'é nia ausá da l'odëi. Un de chisc é l'idea de dé fora na "bira Ladina", che röies sön mësa dla jënt de dötes les valades ladines y ince fora di confins ladins. Por realisé chësta idea á la Uniun ciafé na colaboraziun cun la biraria "Antonius Bier" da Völs am Schlern. Por fá pié ia le proiet unse orü gní fora cun na ediziun de 3 etichetes, por 3 tipologies de bira: la bira Keller invedlada te erbes, la bira Keller invedlada te rou y la bira Keller lupulada a frëit (dötes 3 les bozes sará da 0,75 l). Les 3 etichetes é gnüdes dessignades cun gran savëi artistich da Manuel Riz, artist fascian. Cun i dessëgns án orü comuniché pilores fora dla storia y dla cultura ladina: vigni dessëgn é acompagné da na descriziun storia-culturala te 3 lingac (ladin, todësch y talian). Le proiet á na vijiun plü ampla, cun la previjiun da realisé na tipologia de bira ladina. Por chësta ocajiun gnarál realisé 20 etichetes cun deplü pilores fora dla storia y cultura ladina. La bira ladina pón bele comané sëgn da osc fornidú de boandes.
